Einkavegur skilti við alla vegi sem liggja að Eldvörpum

skrifað 14. feb 2014
Eldvörp

Almenningi er nú óheimilt að keyra að Eldvörpum, einni af náttúruperlum Reykjaness. Aðeins starfsmenn HS Orku mega nú keyra þennan veg sem var opnaður í kring um 1983. Gígaröðin í Eldvörpum er um 10km löng frá Reykjaneseldum á 13. öld en slíkar gígaraðir eru eitt verðmætasta og sérstæðasta sérkenni íslensks landslags. Flestar hafa myndast undir jökli og skilið eftir móbergsmyndanir en öllu sjaldgæfari eru gígaraðir sem myndast hafa á íslausu landi.