Náttúrupassi

Ragnheiður Elín Árnadóttir, iðnaðar- og viðskiptaráðherra, kynnti áform um að setja á fót samráðshóp helstu hagsmunaaðila til að útfæra nánar hugmyndir um svokallaðan náttúrupassa eða ferðakort.
Á vef atvinnuvegaráðuneytisins er greint frá því að erlendum ferðamönnum hefur fjölgað umtalsvert á síðustu árum. Í nýlegum rannsóknum er gert ráð fyrir áframhaldandi vexti og að fjöldi erlendra ferðamanna fari yfir milljón á árinu 2020. Ljóst er að þessi mikla aukning ferðamanna kallar á verulegt átak í uppbyggingu innviða til að koma í veg fyrir tjón og skemmdir á íslenskri náttúru.
Megin hugmyndin að baki ferðakorti er að þeir greiði sem njóti þ.e. að þeir greiði sem raunverulega heimsækja þá ferðamannastaði sem kortið tekur til og stuðli að vernd.