Ski Iceland

skrifað 31. mar 2015
Skíðamynd 2

Markaðsstofa Norðurlands hefur stýrt verkefni með skíðasvæðum Íslands sem staðsett eru á Norðurlandi undanfarin misseri. Samstarfið hefur gegnið vel og mikill erill var í skíðatengdri kynningu nú upp á síðkastið. Ski Iceland(www.skiiceland.is) klasinn tók þátt í Vestnorden, Mannamótum og Mid Atlantic. Þó nokkuð af blaðamönnum komu og skíðuðu á svæðinu, bæði blaðamenn sem komu gagngert til þess að upplifa okkar náttúru í gegnum skíði og aðrir sem laumuðust með og þótti gaman að. Skíðaferðin mikla tókst með eindæmum vel og í hana var vel mannað. Ferðaskrifstofur, flugfélög, veitingastaðir, gististaðir, sveitarstjórnar fólk og alþingismenn tóku þátt í ár. Hópurinn er samansettur af fólki sem getur tekið þátt í að efla vetrarferðamennsku á svæðinu með því aðlaga sýna þjónustu að vörunni, tryggja grunngerð og stækka kökuna. Skíðasvæðin bjóða upp á vöruna 5x5 Ski Pass og má sjá þá vöru á www.skiiceland.is, við hvetjum alla til þess að upplýsa sína gesti um skíðamöguleika á svæðinu og 5x5 passinn gefur einstaklingum og hópum gott tækifæri á að skíða vel og lengi. Hér má sjá myndir úr ferðinni Hér má sjá tengil á þátt sem Hringbraut gerði í samstarfi við Ski Iceland og MN