Þrír leiðsögumenn koma að nýrri bók

skrifað 30. jún 2015
Traditional Icelandic Food front cover AÐAL

Þrír leiðsögumenn koma að bókinni Traditional Icelandic Food – A Gastronomic Guide to Iceland sem nýkomin er út. Textin er eftir Guðrúnu Helgu Sigurðardóttur blaðamann og leiðsögumann, Vilborg Anna Björnsdóttir, leiðsögumaður og starfandi formaður Félags leiðsögumanna, hannaði og braut um bókina og Sigrún Antonsdóttir leiðsögumaður á mynd í bókinni.
Bókin fjallar um hefðbundna íslenska matargerð og er sérstaklega ætluð erlendum ferðamönnum sem hafa áhuga á að smakka íslenskan mat, leiðsögumönnum sem vilja segja frá íslenskum mat og leyfa gestum að smakka auk þess sem hún er tilvalin gjöf handa erlendum gestum.
Bókin skiptist í 29 kafla þar sem fjallað er um hrossakjöt, hangikjöt,harðfisk, kleinur, laufabrauð, selakjöt, hvalkjöt, skötu og enn sérstakari fæðutegundir eins og fýl og refakjöt en Patreksfirðingar gerðu tilraunir með að elda refakjöt á tíunda áratugnum. Nokkrir þeirra starfa einmitt við að aka erlendum ferðamönnum í dag. Fjölmargar myndir eru í bókinni. Kápumyndin er eftir Arnþór Birkisson ljósmyndara en margir aðrir eiga líka myndir í bókinni, þar á meðal Vilhelm Gunnarsson ljósmyndari. Bókin kostar 3.299 krónur út úr búð. GHS Media gefur bókina út.