Útköll vegna farþegaflutninga hafa aukist

Á opnum fundi VÍS og Samgöngustofu, kom fram hjá verkefnastjóra slysavarna ferðmanna hjá Landsbjörgu, Jónasi Guðmundssyni að staðan hjá björgunarsveitum landsins hafa gjörbreyst frá því sem var fyrir áratug hvað snerti útköll vegna farþegaflutninga. Þá voru sveitirnar sjaldan eða aldrei kallaðar út eingöngu til að liðsinna hópferðabifreiðum og farþegum þeirra. Undanfarna 12 mánuði hafa útköllin hins vegar verið fleiri en 50 og 4.817 farþegar átt í hlut eða að meðaltali 13 á dag. Atvikin eru 2.563 eða 7 á degi hverjum að jafnaði. Jónas sagði bílstjóra nefna nokkrar ástæður fyrir þessu öðrum fremur: þrýstingur á að halda áætlun, þrýstingur frá ferðalöngum og leiðsögumanni, vanmat á aðstæðum og ofmat á eigin getu, slæmir vegir, skortur á upplýsingum, ófullnægjandi búnaður og veður.