Kæru félagar,

Fræðslunefnd Leiðsagnar hefur í samstarfi við prófessor Sigurð Reyni Gíslason og Endurmenntun Háskóla Íslands, komið nýjum örfundum á laggirnar.

 

Að þessu sinn gátum við fengið einn af bestu vísindamönnum okkar - Dr. Sigurð Reyni Gíslason rannsóknarprófessor í jarðvísindum og handhafa Íslensku fálkaorðunnar - til að upplýsa okkur um tilurð og framvindu CarbFix verkefnisins. Hann mun fyrst fara yfir stöðu kolefnisbindingar í öðrum löndum, sem er mjög mikilvægt fyrir okkur að vita, til að geta gert samanburð við lönd gesta okkar. Hann mun síðan fara yfir framvindu og stöðu kolefnisbindingar á Íslandi. Fundurinn skiptist upp í tvær útsendingar:  21. og 28. október  kl: 16:00-17:30, þær verða streymdar út á Teams. Stéttarfélagið Leiðsögn greiðir niður skráningargjaldið, sem er 3000 kr. fyrir báða fyrirlestrana, innifalið í þessu gjaldi er einnig bók Sigurðar; Kolefnishringrásin. Sömuleiðis fá þáttakendur aðgang að glærum Sigurðar og öðru efni sem hann vill deila með ykkur. Nánari upplýsingar og snemmskráning - sem er til 20.október - á vef Endurmenntunar HÍ: 

https://www.endurmenntun.is/namskeid/stakt-namskeid?courseID=307H20  

Nánari upplýsingar um prófessor Sigurð Reyni Gíslason:

 

Fyrir hönd Fræðslunefndar Leiðsagnar

Guðný Margrét Emilsdóttir

Júlíus Freyr Theódórsson

Lovísa Birgisdóttir