Auka-aðalfundur Leiðsagnar 2021 – þriðjudag 8. júní kl 19:00 að Stangarhyl 4 (hús Félags eldri borgara, eins og tvö síðustu ár). Þessi fundur verður einnig netfundur á Zoom (hlekkur kemur seinna)
Auka-aðalfundur félagsins verður þriðjudaginn 8. júní n.k. kl. 19:00 og framboðsfrestur er að renna út og hvetjum við því félagsmenn til að bjóða fram krafta sína. Enn sem komið er hafa ekki margar konur boðið sig fram og hvetjum við því þær sérstalega til að gefa kost á sér. Sama á við um félagsmenn utan höfuðborgarsvæðisins.

Framboðfresti lýkur 10 sólarhringum fyrir aðalfund (sem sagt á morgun laugardag 29.5.)  og framboðum skal skila til skrifstofu. Nægir að senda tölvupóst til This email address is being protected from spambots. You need JavaScript enabled to view it.

Jafnframt má hafa samband við kjörnefnd með uppástungur fyrir framboð. Í kjörnefnd eru Valva Árnadóttir, Guðný Margrét Emilsdóttir og Júlíus Freyr Theodórsson.

Kjósa þarf formann, 2 fulltrúa í stjórn til tveggja ára, 4 fulltrúa í varastjórn til eins árs, aðal og varamenn í trúnaðarráð (sex fulltrúa í hvort, alla til eins árs), fulltrúa fastanefndir (4 nefndir, einn fulltrúa í hverja til tveggja ára, sjá 18.gr. laganna) og tvo skoðunarmenn reikninga. EInnig þarf að kjósa í stjórn sjúkrasjóðs.

Enn vantar nokkra fulltrúa, það vantar 1-2 í stjórn og 1-2 í sjúkrasjóð.
Komið er nóg af framboðum í aðrar stöður.

Við hvetjum félagsmenn af öllum kynjum til að gefa kost á sér til að starfa fyrir félagið. Framundan er spennandi uppbyggingarvinna félagsins í takt við rísandi sól ferðaþjónustunnar. Á tímum COVID og samkomutakmarkana höfum við lært á fjarfundi og hvernig má vinna saman án þess að vera endilega í sama rými og því er upplagt fyrir félagsmenn sem búa úti á landi til að láta rödd sína heyrast og taka þátt í starfi félagsins.

Framboð sem komin eru:
Formaður:
Friðrik Rafnsson
Óskar Kristjánsson

Stjórn og varastjórn:
Guðný Margrét Emilsdóttir
Hjörtur Howser
Jakob Jónsson
Snorri Steinn Sigurðsson
Valva Árnadóttir

Kjörgengi
Á aðalfundi félagsins 27. apríl síðastliðinn var ákveðið að láta kjörskrá fyrir aðalfund 2020 gilda líka núna. Þannig að kjörgengi hafa þeir sem uppfylla skilyrði laga félagins fyrir aðalfund 2021 og einnig þeir sem uppfylltu þau fyrir aðalfund árið 2020 auk þeirra sem hafa greitt lágmarksgjöld til félagsins.

Hluti af kosningunum verður rafrænn í gegnum kosningakerfi okkar á minar.touristguide.is

Dagskrá aðalfundarins verður samkvæmt lögum félagsins með einni undantekningu. Öllum lagabreytingum verður vísað til sérstaks starfshóps sem starfa á í sumar og fram á haust. Þessi starfshópur á að koma með heildstæð endurskoðuð lög félagsins. Í haust eða vetur verður sérstakur auka-aðalfundur þar sem farið verður gegnum öll lög félagsins og þau tekin til gagngerar endurskoðunar með heildarhagsmuni allra félagsmanna í huga. Innan félagsins eru margir hópar með ólíkar skoðanir en það er hægt að finna rúm fyrir alla innan vébanda félagins.