Október 2021

15-16

Haukur Herbertsson er rekstrarstjóri Mountaineers of Iceland og menntaður véltæknifræðingur. Hann hefur verið í fjallamennsku og ferðaþjónustu frá unga aldri.Í janúar 2020 þurftu viðbragðsaðilar að liðsinna fyrirtækinu Mountaineers þegar óveður skall á í ferð þeirra við Langjökul. Haukur fer yfir atvikið og lærdóminn sem má draga af því.

Meðal áhugaverðra fyrirlesara

> Jónas Guðmundsson
Eldgosið á Reykjanesi er líklega vinsælasta gos íslandssögunnar ef svo má að orði komast en tugþúsundir innlendra sem erlendra ferðamanna hafa lagt leið sína á gosstöðvarnar. Því hafa fylgt margar áskoranir og mun Jónas fjalla um hvernig stýringu ferðamanna var háttað, hvað var vel gert og af hverju getum við lært. Þrátt fyrir að stýring ferðamanna sé samofin slysavörnum horfum við einnig á það hvað við gerðum í slysavörnum og hvort við mundum vilja gera eitthvað öðruvísi í næsta gosi.>  Jóhanna Katrín Þórhallsdóttir
Landvörður og fyrrverandi þjóðgarðsvörður á svæðinu við Öskju í Ódáðahrauni en starfar nú sem verkefnastjóri skipulags- og öryggismála hjá Vatnajökulsþjóðgarði. Jóhanna mun í erindi sínu fjalla um öryggismál og forvarnir í þjóðgarði með Vatnajökulsþjóðgarð til hliðsjónar. Hún mun horfa til spurninga eins og Hvaða öryggis geta gestir vænst í þjóðgarði? Hvar liggja mörk þess að leiðbeina og loka? og Hverjir koma að áhættumati og hverjir bregðast við þegar á reynir?>  Gerður Jónsdóttir & Atli Þór Árnason
Atli og Gerður mun í erindi sínu fjalla um Vegrúnu, nýtt merkingakerfi í ferðaþjónustu en góðar merkingar eru forsendur í fækkun slysa.
Vegrún er ætlað öllum þeim sem setja upp merkingar á ferðamannastöðum eða friðlýstum svæðum. Vegrún stendur öllum til boða jafnt opinberum aðilum sem og einkaaðilum um allt land. Kerfið er hannað til að samræma merkingar hér á landi, til einföldunar fyrir uppbyggingaraðila og til að bæta upplifun ferðamanna, auka gæði, samræma upplýsingagjöf og auka öryggi og er þannig mikilvægur hluti af stýringu ferðamanna, slysavörnum.
 
> Andreas Ö.M. Aðalsteinsson
Digital Marketing Manager hjá SAHARA mun í erindi sínu fara yfir fjölbreytta þætti stafrænnar markaðssetningar. Landslagið hefur tekið miklum breytingum á síðustu árum sem bíður upp á ný og spennandi tækifæri fyrir þá sem sinna slysavarnaverkefnum sem koma þarf á framfæri. Samkeppnin er einnig að aukast og því þarf að vanda vel til verka þegar kemur að uppsetningu, mælanleika og val á réttu markaðsefni fyrir kostaðar herferðir.

Veggspjaldasýning

Samhliða ráðstefnunni verður veggspjaldasýning þar sem ráðstefnugestir geta kynnt sér ýmsan fróðleik. Fyrirtæki, stofnanir og slysavarnadeildir kynna vörur, verkefni og niðurstöður kannana og rannsókna. Gott tækifæri fyrir ráðstefnugesti til að ræða málin og fá svör við fyrirspurnum.