AÐALFUNDUR LEIÐSAGNAR – FÉLAGS LEIÐSÖGUMANNA

4. apríl 2024, kl. 18:00

Aðalfundur Leiðsagnar 2024 verður haldinn 4. apríl n.k. kl. 18:00 að Stórhöfða 29 (gengið inn Grafarvogsmegin).

General meeting will be held April 4th, at 18:00 at Stórhöfði 29 (entrance behind the building).

Aðalfundurinn er einnig netfundur. Nánari upplýsingar um netfund verða sendar út síðar.

The General meeting is also a zoom meeting. More information on the zoom meeting will be sent out soon.

Dagskrá aðalfundar er eftirfarandi / Program:

1. Kosning fundarstjóra og annarra starfsmanna fundarins.
2. Lýst yfir niðurstöðu í kjöri formanns og stjórnar.
3. Skýrsla fráfarandi félagsstjórnar um störf félagsins á liðnu starfsári.
4. Reikningar félagsins og sjóða þess lagðir fram til afgreiðslu.
5. Tillögur um lagabreytingar ef fyrir liggja.
6. Fjárhagsáætlun lögð fram og tillaga gerð um fjárhæð aðildargjalds.
7. Kosning til trúnaðarráðs.
8. Kosning fulltrúa í fastanefndir og aðrar trúnaðarstöður.
9. Kosning stjórnar Sjúkrasjóðs félagsins og eins fulltrúa í stjórn Endurmenntunarsjóðs.
10. Kosning tveggja félagskjörinna skoðunarmanna reikninga til tveggja ára.
11. Önnur mál.

Um framboð til trúnaðarstarfa fyrir félagið

Réttur til framboðs til trúnaðarstarfa og til setu á aðalfundi með réttindi skv. 9. gr. laga hafa þeir sem einum mánuði fyrir aðalfund höfðu greitt félagsgjald skv. 1. eða 3. málslið 6. gr. af launum sem svara til lægsta taxta félagsins fyrir tveggja mánaða dagvinnu á síðustu fjórum mánuðum eða fjögurra mánaða dagvinnu á síðustu 12 mánuðum og/eða höfðu einum mánuði fyrir aðalfund greitt aðildargjald skv. 2. málslið 6. gr. fyrir yfirstandandi ár eða það næstliðna.

Formaður og stjórn: Skilafrestur á framboðum til stjórnar og formanns rennur út 15. mars.

Trúnaðarráð: Skilafrestur á framboðum til trúnaðarráðs og í fastanefndir rennur út 25. mars.

Lagabreytingatillögur: Frestur til að senda inn lagabreytingatillögur rennur út 19. mars. Áréttað er að allar eldri lagabreytingartillögur verður að senda inn að nýju.

Hvert á að skila framboðum og tillögum: Framboð til trúnaðarstarfa ásamt kynningu og tillögum til lagabreytinga í tölvupósti til skrifstofu Leiðsagnar á netfangið: This email address is being protected from spambots. You need JavaScript enabled to view it.

Kjósa þarf nú á aðalfundi 4. apríl:

Formann til 1 árs.

Stjórn:

Kjósa þarf 2 aðalmenn til 2ja ára.

Kjósa þarf 1 aðalmann til 1 árs.

Kjósa þarf 4 varamenn sem raðast eftir fjölda atkvæða.

Trúnaðarráð:

Kjósa þarf 6 aðalmenn og 6 varamenn til 1 árs.

Fagráð:

Kjósa þarf 1 félagsmann til 2ja ára.

Fræðslunefnd:

Kjósa þarf 1 félagsmann til 2ja ára.

Upplýsinganefnd:

Kjósa þarf 1 félagsmann til 2ja ára.

Skoðunarmenn reikninga:

Kjósa þarf 2 skoðunarmenn reikninga til 1 árs.

Endurmenntunarsjóður:

Kjósa þarf 1 félagsmann til 2ja ára.

Kjör til stjórnar Sjúkrasjóðs:

Kjósa þarf næst árið 2025.

Kynning frambjóðenda:

Frambjóðendur geta kynnt sig á „Félagavefnum“ (mínar síður) og vefsíðu Leiðsagnar. Eftir að öll framboð hafa borist verða þau kynnt í heild sinni á heimasíðu félagsins. Kynning þarf að berast skrifstofu leiðsagnar (This email address is being protected from spambots. You need JavaScript enabled to view it.) áður en framboðsfresti lýkur. Æskilegt er að í kynningu komi fram menntun frambjóðenda, reynsla af leiðsögn og helstu áherslur. Auk þess er mælt með að mynd fylgi framboðsupplýsingum.

Formannskjör:

Formanns- og stjórnarkjör fer fram með rafrænum hætti og hefst kosning 25. mars og lýkur 1. apríl á miðnætti.

Framkvæmd: Rafræn kosning fer fram með því að skrá sig inn á Félagavefinn með rafrænum skilríkjum. Þar inni verður tengill í kosningar.

Framboð til trúnaðarstarfa sem kosið er í á aðalfundi:

Framboðsfrestur rennur út á miðnætti 25.mars.