Leiðsögn
Kringlan 7, 103 Reykjavík
Kt. 510772-0249
Opið /Open
08:30 -16:00, mán.- fim.
08:30 -16:00, Mon. - Thur.
08:30 -15:00, föstudögum
08:30 -15:00, friday
Sími / Tel
+354 588 8670
50 ára afmælishátíð Leiðsagnar gekk einstaklega vel og Leiðsögn þakkar öllum fyrir komuna.
Hér er krækja á streymið fyrir þá sem komust ekki: https://youtu.be/U64cZzwJaMU
Afmælishátíð Leiðsagnar-félags leiðsögumanna
haldin í VERÖLD, húsi Vigdísar,
laugardaginn 12. nóvember kl. 14-16
Kæru leiðsögumenn.
Eins og þið vitið fagnar Leiðsögn fimmtugsafmælinu á þessu ári, en félagið var stofnað 6. júní 1972. Haldin verður vegleg hátíðarsamkoma í Veröld, húsi Vigdísar laugardaginn 12. nóvember næstkomandi frá klukkan 14-16.
Dagskrá
❖ Söngatriði: Söngfélagið.
❖ Formaður ávarpar samkomuna.
❖ Örn Árnason leikari og leiðsögumaður tekur við hátíðarstjórn.
❖ Forseti Íslands, Guðni Th. Jóhannesson, ávarpar samkomuna.
❖ Lilja D. Alfreðsdóttir, menningar- og ferðamálaráðherra, ávarpar samkomuna.
❖ Bjarnheiður Hallsdóttir, formaður Samtaka ferðaþjónustunnar, ávarpar samkomuna.
❖ Söngatriði: Örvar Már Kristinsson, söngvari og leiðsögumaður.
❖ Stofnfélagar heiðraðir.
❖ Ari Trausti Guðmundsson: Leiðsögn í fortíð, nútíð og framtíð.
❖ Söngatriði: Hlín Pétursdóttir, söngkona og leiðsögumaður.
❖ Tryggvi Felixson formaður Landverndar: Leiðsögumenn og landvernd.
❖ Auður Jónsdóttir rithöfundur: Að þekkja land eða ekki.
❖ Gestum hátíðarinnar boðið upp á veitingar.
Félagsfólk er hvatt til að fjölmenna og taka með sér gesti. Samkomunni verður streymt og er það félagsfólk sem ekki kemst á staðinn hvatt til að nýta sér það og jafnvel koma saman og fygjast með.
Öll hjartanlega velkomin á afmælishátíðina!
Kær kveðja,
Friðrik Rafnsson
formaður Leiðsagnar – félags leiðsögumanna.
Kæru leiðsögumenn.
Eins og þið vitið fagnar Leiðsögn fimmtugsafmælinu á þessu ári, en félagið var stofnað 6. júní 1972. Haldin verður vegleg hátíðarsamkoma í Veröld, húsi Vigdísar laugardaginn 12. nóvember næstkomandi frá klukkan 14-17, flutt verða ávörp og stutt erindi, stofnfélagar heiðraðir og boðið upp á tónlistaratriði.
Guðni Th. Jóhannesson, forseti Íslands, Lilja Dögg Alfreðsdóttir, ferðamála- menningar- og viðskiptaráðherra, Bjarnheiður Hallsdóttir fomaður Samtaka ferðaþjónustunnar og Tryggvi Felixsson formaður Landverndar ávarpa samkomuna auk þess sem Ari Trausti Guðmundsson jarðfræðingur og leiðsögumaður og Auður Jónsdóttir rithöfundur flytja stutt erindi. Arndís Halla Ásgeirsdóttir, leiðsögumaður og óperusöngkona, og Söngfélagið taka nokkur lög.
Örn Árnason, leikari og leiðsögumaður mun stýra samkomunni sem lýkur með léttum veitingum þar sem leiðsögumenn og gestir þeirra geta fagnað þessum áfanga í sögu félagsins.
Félagsfólk er hvatt til að taka daginn frá, fjölmenna og taka með sér gesti. Samkomunni verður streymt og er félagfólk sem ekki kemst á staðinn hvatt til að nýta sér það og jafnvel koma saman og fygjast með.
Öll hjartanlega velkomin á afmælishátíðina!
Kær kveðja,
Friðrik Rafnsson
Friðrik Rafnsson, formaður Leiðsagnar og Harpa Björnsdóttir, ritari hittu Lilju Dögg Alfreðsdóttir, menningar- og viðskiptaráðherra. Félagið á 50 ára afmæli um þessar mundir og mun halda glæsilega afmælishátíð af því tilefni í nóvember.
Sjá frétt hér.
Túristi hefur frá árinu 2009 flutt fréttir af ferðaþjónustu og ferðalögum en stór hluti af því efni sem birtist á síðunni er aðeins fyrir áskrifendur. Félagsmönnum í Leiðsögn býðst nú áskrift með helmingsafslætti (1.325 kr. á mánuði í stað 2.650 kr.).
Þeir sem vilja nýta sér þetta tilboð smella hér og búa til aðgang. Til að virkja afsláttinn þarf að smella á textann "Ertu með afsláttarkóða" en þá birtist lína þar sem þið skrifið "Guide". Þá fer verðið sjálfkrafa niður í 1.325 krónur á skráningarsíðunni.
Áskrifendur fá svo sent fréttabréf sem eru aðeins fyrir þann hóp.
P.s. Þeir félagsmenn sem eru nú þegar með áskrift á fullu verði geta sent línu á This email address is being protected from spambots. You need JavaScript enabled to view it. með beiðni um að afslátturinn verði settur inn.
Kristján Sigurjónsson
This email address is being protected from spambots. You need JavaScript enabled to view it.
+46 709140414
Námskeið á vegum ASÍ fyrir félagsmenn í Leiðsögn
haldið laugardaginn 22. október kl. 9 – 15 í húsnæði félagsins að Stórhöfða 29.
(athugið að gengið er inn í fundarsalinn á jarðhæð aftan við húsið, og þar eru líka bílastæði)
Námskeiðið er opið öllum félagsmönnum í Leiðsögn þeim að kostnaðarlausu, en einkum eru þeir sem gegna trúnaðarstörfum fyrir félagið hvattir til að mæta. Vinsamlegast tilkynnið skrifstofu félagsins um þátttöku á netfangið This email address is being protected from spambots. You need JavaScript enabled to view it.
Námskeiðið er í tveimur hlutum:
FYRIR HÁDEGI
Starfsemi stéttarfélaga
Farið er yfir uppbyggingu vinnumarkaðarins auk skipulags og hlutverka hagsmunasamtaka launafólks og launagreiðenda. Farið er yfir uppbyggingu stéttarfélaga, skipulag og hlutverk þeirra, hlutverk hagsmunasamtaka launafólks og atvinnurekenda, gildi kjarasamninga og hagræn áhrif þeirra.
Vinnuréttur
Megináhersla er lögð á uppbyggingu og helstu þætti íslenskrar vinnulöggjafar eins og kjarasamninga og lög sem fjalla um réttindi og skyldur á vinnumarkaði. Þá verður farið í ákvæði kjarasamninga og laga sem styrkja kjarasamning með áherslu á ráðningarsamninga, laun og launagreiðslur, orlofsrétt, veikindarétt, fæðingarorlof, hópuppsagnir, svo eitthvað sé nefnt. Einnig verður fjallað um ákveðnar grundvallarreglur, svo sem samningsrétt stéttarfélaga, verkfallsrétt, verkbannsrétt, réttarvernd trúnaðarmanna o.fl.
Farið verður yfir muninn á verktakavinnu og vinnu launamanns í ráðningarsambandi.
Markmið:
EFTIR HÁDEGI
Hlutverk samninganefnda
Fjallað verður um vinnudeilur og formlegt ferli við gerð kjarasamninga, tegundir samninga á vinnumarkaði, viðræðuáætlanir, tilhögun atkvæðagreiðslu þeirra og boðun verkfalla. Fjallað um gildi kjarasamninga, áhrif friðarskyldunnar og samningsrof, um heimildir og umboð samninganefnda. Einnig heimildir og umboð samninganefnda og hlutverk, heimildir og stöðu og ríkissáttasemjara.
Markmið
Þessi vefsíða notar vafrakökur, með því að heimsækja vefsíðu okkar samþykkir þú notkun á vafrakökum. Sjá nánar.