Leiðsögn
Kringlan 7, 103 Reykjavík
Kt. 510772-0249
Opið /Open
08:30 -16:00, mán.- fim.
08:30 -16:00, Mon. - Thur.
08:30 -15:00, föstudögum
08:30 -15:00, friday
Sími / Tel
+354 588 8670
Leiðsögn býður félagsmönnum upp á endurmenntun í maí
Minnum á örfyrirlestur sem fer fram á morgun þriðjudag, 5. maí kl. 16:00-17:00. Þá mun Páll Einarsson jarðeðlisfræðingur fjalla um umbrotin á Reykjanesskaga í fyrirlestri sem hann kallar Umbrot á Reykjanesskaga – jarðskjálftar og kvikuhreyfingar. Atburðirnir verða skoðaðir í ljósi fyrri atburða og reynt að spá í spilin.
Leiðsögn mun í samvinnu við Endurmenntun Háskóla Íslands bjóða félagsmönnum sínum upp á þrjá örfyrirlestra núna í maímánuði, þeim að kostnaðarlausu nema hvað greiða þarf kr. 1.000 í staðfestingargjald fyrir hvern fyrirlestur. Fyrirlestrarnir fara fram í gegnum fjarfundakerfið ZOOM, svo þátttakendur þurfa að vera með nettengda tölvu og góða internettengingu.
Skráning á fyrirlesturinn fer fram á slóðinni:
https://www.endurmenntun.is/namskeid/stakt-namskeid?courseID=411V20
Einungis þarf að smella á skráningarhnappinn, skrá umbeðnar upplýsingar og greiða skráningagjaldið. Þeir sem skrá sig fá einnig senda upptökuna að fyrirlestrinum sem verður aðgengileg í viku eftir að fyrirlesturinn fór fram. Þannig er bæði hægt að vera með í rauntíma eða hlusta eftir á allt eftir þörfum. Það er ósk stjórnar og fræðslunefndar Leiðsagnar að félagsmenn geti notfært sé þessa fyrirlestra sér til ánægju og uppbyggingar á þessum fordæmalausu tímum.
Alþýðusamband Íslands leggur áherslu á að breytingar í atvinnulífinu og á vinnumarkaði með nýrri tækni og breyttum atvinnuháttum kalla á nýjar áherslur og breytt vinnubrögð. Þær fela í sér nýjar áskoranir og tækifæri fyrir einstaklinga, fyrirtæki og samfélagið allt. Til framtíðar þarf að styðja við og styrkja atvinnulíf sem byggir á heilbrigðum vinnumarkaði, sanngjörnum umskiptum, sjálfbærni, frumkvæði og nýsköpun.
Efnahagskreppan í kjölfar Covid-19 hefur að einhverju marki ýtt undir örari breytingar og kallar á að efnahags- og atvinnulífið sé byggt upp að nýju með skýra framtíðarsýn. Samfélagið þarfnast góðrar hæfni og þar með öflugs menntakerfis sem er í senn fjölbreytt og sveigjanlegt og öllum aðgengilegt.
ASÍ tekur þátt í samhæfingarhópi félags- og barnamálaráðherra og mennta- og menningarmálaráðherra sem var falið að skoða stöðu atvinnuleitenda og námsmanna og atvinnu- og menntaúrræði þeirra við breyttar aðstæður. Umboð þess hóps er takmarkað, en ASÍ telur að víðtækari stefnumótunar til lengri tíma sé þörf í menntamálum og hæfniþróun og leggur eftirfarandi atriði til grundvallar þeirri uppbyggingu sem nauðsynleg er:
[if !supportLists]ü [endif]Menntakerfið, þ.m.t. símenntun og framhaldsfræðsla, verði kortlagt með hliðsjón af skipulagi, námsframboði, fjármögnun, markhópum, lýðfræði og búsetu. Sérstaklega verði horft til þarfa innflytjenda og annarra viðkvæmra hópa. Í kjölfar kortlagningar verði gerðar tillögur um framtíðarskipulag heildstæðs menntakerfis sem nær til bæði formlegrar og óformlegrar menntunar.
[if !supportLists]ü [endif]Ráðist verði í að bæta söfnun tölfræðiupplýsinga og úrvinnslu gagna sem lúta að færnigreiningum. Nauðsynlegt er að fyrir liggi góð þekking, greining og mat á starfstækifærum í einstökum fögum, atvinnugreinum og störfum til nokkurra ára svo að hægt verði að móta heildræna stefnu í mennta-, vinnumarkaðs- og atvinnumálum.
[if !supportLists]ü [endif]Aukin áhersla verði lögð á starfsmenntun á öllum skólastigum, samhliða því að stuðla að gagnrýnni hugsun og nýsköpun. Sérstaklega verði nemendum kynnt tækifæri í verk- og tæknigreinum, heilbrigðisþjónustu, velferðarþjónustu og menntakerfinu. Tryggt verði nægilegt framboð á starfsnámi á framhaldsskólastigi og aukið verulega fjármagn til Vinnustaðanámssjóðs til að tryggja betri nýtingu sjóðsins og stöðu þeirra sem eru á námssamningum. Komið verði á fagháskólastigi með formlegum hætti sem m.a. auðveldi aðgang starfsmenntaðra að háskólum. Markmið með þróun fagháskólanáms er að koma til móts við síbreytilegar og vaxandi þarfir atvinnulífsins fyrir fjölbreyttari menntun.
[if !supportLists]ü [endif]Framboð símenntunar verði aukið með þarfir einstaklinga, vinnumarkaðar og nútímasamfélags í huga. Tryggja þarf að einstaklingar hafi úrræði til að bæta færni þróa nýja færni til að geta skipt um störf og starfsvettvang. Markmiðið er að allir á vinnumarkaði njóti góðs af áhrifum tæknibreytinga í atvinnulífinu.
[if !supportLists]ü [endif]Raunfærnimat verði aukið á öllum skólastigum og aðgengi einstaklinga að námi og þjálfun í framhaldi af raunfærnimati verði tryggt. Raunfærnimat er eitt öflugasta tækið sem þróað hefur verið til að meta færni fólks á vinnumarkaði og jafnframt hvetja til frekara náms.
[if !supportLists]ü [endif]Efla þarf rafræna upplýsingamiðlun um nám og störf og rafræna náms- og starfsráðgjöf þar sem byggt er á styrkleikum einstaklinganna og áhugasviðum, og mögulegum náms- og atvinnutækifærum til framtíðar. Þróa þarf aðferðir til að ná til þeirra einstaklinga sem hafa þörf á að nýta sér þessa þjónustu. Jafnframt þarf að bjóða uppá heildstætt fjarnám sem kost í framhaldsfræðslu, í framhaldsskólum og háskólum.
[if !supportLists]ü [endif]Fara þarf strax í endurskoðun laga um menntun og námslána- og styrkjakerfi þannig að hvoru tveggja þjóni markmiðum um eflingu menntunar og tækifæri fyrir alla óháð efnahag. Í breyttu umhverfi mennta- og atvinnulífs þurfa lögin að vera í samræmi við nýjar aðstæður. Nauðsynlegt er að aðilar vinnumarkaðar eigi formlega aðild að þeirri endurskoðun.
[if !supportLists]ü [endif]Að þegar í stað verði skipaður starfshópur á vegum stjórnvalda sem verði falið að móta hæfnistefnu fyrir Ísland líkt og í nágrannalöndunum. Í hópnum eigi sæti aðilar vinnumarkaðar, menntakerfis og stjórnvalda. Markmið stefnunnar verði að tryggja að framboð af námi og fræðslu sé í samræmi við þarfir samfélagsins hverju sinni og hagsmuni vinnandi fólks. Jafnframt að mótuð verði stefna með aðgerðum, til að bæta samspil menntakerfis og vinnumarkaðar.
Í fyrsta skipti síðan 1923 getur íslenskt launafólk ekki safnast saman á 1. maí til að leggja áherslu á kröfur sínar. Við þessu er brugðist með útsendingu frá sérstakri skemmti-og baráttusamkomu sem flutt verður í Hörpu að kvöldi 1. maí og sjónvarpað á Rúv (kl. 19:40).
Leiðsögn býður félagsmönnum upp á endurmenntun í maí
Leiðsögn mun í samvinnu við Endurmenntun Háskóla Íslands bjóða félagsmönnum sínum upp á þrjá örfyrirlestra núna í maímánuði, þeim að kostnaðarlausu nema hvað greiða þarf kr. 1.000 í staðfestingargjald fyrir hvern fyrirlestur. Fyrirlestrarnir fara fram í gegnum fjarfundakerfið ZOOM, svo þátttakendur þurfa að vera með nettengda tölvu og góða internettengingu.
Fyrsti fyrirlesturinn fer fram nk. þriðjudag, 5. maí kl. 16:00-17:00. Þá mun Páll Einarsson jarðeðlisfræðingur fjalla um umbrotin á Reykjanesskaga í fyrirlestri sem hann kallar Umbrot á Reykjanesskaga – jarðskjálftar og kvikuhreyfingar. Atburðirnir verða skoðaðir í ljósi fyrri atburða og reynt að spá í spilin.
Þann 14. maí kl. 16:00 mun Halldór Björnsson haf- og veðurfræðingur á Veðurstofu Íslands fjalla um loftlagsbreytingar og áhrif þeirra á norðurslóðum. Efnið verður nánar kynnt síðar.
Síðasti fyrirlesturinn í þessari lotu verður þriðjudaginn 19. maí kl. 16. Þá mun Trausti Baldursson líffræðingur á Náttúrufræðistofnun fjalla um breytingar á vistkerfi Íslands í kjölfar loftlagsbreytinga. Nánari kynning síðar.
Skráning á fyrsta fyrirlesturinn fer fram á slóðinni:
https://www.endurmenntun.is/namskeid/stakt-namskeid?courseID=411V20
Einungis þarf að smella á skráningarhnappinn, skrá umbeðnar upplýsingar og greiða skráningagjaldið. Þeir sem skrá sig fá einnig senda upptökuna að fyrirlestrinum sem verður aðgengileg í viku eftir að fyrirlesturinn fór fram. Þannig er bæði hægt að vera með í rauntíma eða hlusta eftir á allt eftir þörfum. Það er ósk stjórnar og fræðslunefndar Leiðsagnar að félagsmenn geti notfært sé þessa fyrirlestra sér til ánægju og uppbyggingar á þessum fordæmalausu tímum.
Gleiðilegt sumar kæru félagar
Félagið hefur verið að sinna mörgum verkefnum á síðstu vikum og mánuðum, flest þeirra tengjast COVID19 með einum eða öðrum hætti. Við höfum reynt að vekja athygli á stöðu okkar meðal annars með viðtölum og annarri umfjöllun í fjölmiðlum en einnig höfum við sent inn erindi um sérstaka stöðu okkar til ráðamanna og ítrekað beðið um fundi. Einnig höfum við átt samráð við önnur stéttarfélög í svipaðri stöðu. Í undirbúningi eru endurmenntunarnámskeið og fyrirlestrar fyrir leiðsögumenn til að nýta þetta ástand í eitthvað uppbyggilegt og uppfræðandi. Vinna við nýja heimasíðu hófst fyrir jól og er hún nú þegar komin í loftið, þó að enn eigi eftir að bæta við nokkrum atriðum.
Við höfum átt samtal við Vinnumálastofnun um hvernig meta eigi leiðsögumenn til atvinnuleysisbóta. Leiðsögumenn eru oftast verkefnaráðnir sem launþegar í stakar ferðir og því fellur ráðningarsamband úr gildi um leið og ferð lýkur. Verkefni leiðsögumanna eru mjög árstíðabundin og kemur þetta ástand eiginlega á versta tíma ársins fyrir marga.
Við höfum miklar áhyggjur af því að leiðsögumenn passi ekki vel inn í kerfið hjá Vinnumálastofnun og mat á starfshlutfalli og viðmiðunartekjum taki ekki mið af sérstöðu starfsins.
Því biðjum við ykkur félagsmenn sem misst hafið vinnuna og hafið sótt um atvinnuleysisbætur að fara inn á „mínar síður“ hjá Vinnumálastofnun og skoða útreikninga þar og sjá hvernig starfshlutfallið er metið.
Ef þið teljið að þessir útreikningar séu ekki réttir látið okkur vita í tölvupósti á This email address is being protected from spambots. You need JavaScript enabled to view it. en jafnframt krefjið Vinnumálastofnun um útskýringar.
Leiðsögumenn starfa oft fyrir mörg fyrirtæki og það getur verið erfitt að ná í þessi fyrirtæki til að fá viðeignandi vottorð fyrir Vinnumálastofnun. Ef þið eru í slíkri stöðu þá getur skrifstofan veitt aðstoð við það í mörgum tilfellum.
Við erum að undirbúa að taka þetta mál lengra, það er til viðeigandi ráðamanna.
Einnig bendum við ykkur á að haka við „Leiðsögn – Stéttarfélag leiðsögumanna“ í umsóknarferlinu um atvinnuleysisbætur þar sem valið eru um að greiða í af atvinnuleysisbótum í stéttarfélag. Við vekjum athygli á því að ekki er greitt í sjúkrasjóð eða endurmenntunarsjóð af atvinnuleysisbótum, en sem betur fer eru nokkuð rúm tímamörk á greiðslum í þessa sjóði hjá okkur og réttindi haldast þótt greiðsla falli niður í nokkra mánuði.
Með kveðju
Pétur Gauti Valgeirsson
Formaður Leiðsagnar – stéttarfélags leiðsögumanna
Pistill í vikulok frá Drífu Snædal formanni ASÍ
Vikan hefur einkum verið nýtt í að bregðast við tillögum stjórnvalda og hafa áhrif á hvernig frumvörpin fara í gegnum þingið og að vinna stefnumótun til framtíðar. Til að veita okkur innblástur í þá vinnu buðum við upp á netfundi með heimsklassa fyrirlesurum sem hugsa í stærsta mögulega samhenginu. Sharan Burrow, framkvæmdastjóri alþjóða verkalýðshreyfingarinnar (ITUC), og John Evans fyrrum fulltrúi vinnandi fólks í ráðgjöf við OECD og yfirhagfræðingur ITUC riðu á vaðið og fjölluðu um sanngjörn umskipti, hvernig nauðsynlegt sé að verja tekjur til að knýja hagkerfið áfram og hvaða skilyrði eigi að setja fyrir stuðningi við fyrirtæki.
Yanis Varoufakis hagfræðingur og fyrrum fjármálaráðherra Grikkja, ræddi meðal annars um hvernig hægt sé að tryggja að arður fyrirtækja fari til fólksins og hann vildi dusta rykið af upprunalegu hlutverki Alþjóðabankans og Alþjóðagjaldeyrissjóðsins sem var að vinna fyrir fólk en ekki fjármagn. Adam Tooze, prófessor í sagnfræði við Columbia háskóla, fjallaði svo um þróun alþjóðlega efnahagskerfisins og þróun seðlabanka sem nú dæla fjármagni út í hagkerfin til að halda þeim gangandi.
Rauði þráðurinn í þessum erindum var að hagkerfi heimsins mun taka miklum breytingum í kjölfar kreppunnar og enduruppbyggingin verði að felast í sjálfbærni, jafnrétti og jöfnuði og réttlátri skiptingu gæðanna. Ferðir á milli landa og heimshluta munu taka breytingum, virðiskeðjur þurfa að vera styttri, framleiðsla matvæla tryggð og vinda þarf hressilega ofan af þeirri þróun misskiptingar sem hefur fengið að þrífast í skjóli núverandi efnahagskerfis. Fjármálaöflin munu reyna að nýta þessa kreppu til að skara eld að eigin köku í gegnum samþjöppun eigna og auðs. Hreyfing vinnandi fólks verður því að vera tilbúin með sínar kröfur um sanngjarnari vinnumarkað og réttlátari heim. Sú vinna er hafin hjá ASÍ í sterku alþjóðlegu samstarfi.
Góða helgi,
Drífa
Þessi vefsíða notar vafrakökur, með því að heimsækja vefsíðu okkar samþykkir þú notkun á vafrakökum. Sjá nánar.