|
Vatnajökulsþjóðgarður vinnur nú að því að skýra framtíðarsýn fyrir Skaftafell sem lykilþjónustustað á suðursvæði þjóðgarðsins. Haldnir verða fundir með íbúum á nærsvæðum og ýmsum hagsmunaaðilum, auk starfsfólks og svæðisráðs. Framtíðarsýnin verður síðan höfð að leiðarljósi við mótun tillagna um stjórnun og skipulag í Skaftafelli og nágrenni.
Ýmsum félögum og samtökum sem tengjast ferðamálum, náttúruvernd og útivist er boðið á fjarfund þann 18. nóvember kl. 16-18 til að ræða málefni Skaftafells.
Fundurinn verður á þessari slóð: https://eu01web.zoom.us/j/7071935663
Fyrir þá sem ekki geta tekið þátt í samráðsfundum er boðið upp á spurningakönnun, sjá nánar á vef þjóðgarðsins.
Vinsamlegast tilkynnið þáttöku til undirritaðar, This email address is being protected from spambots. You need JavaScript enabled to view it.
Föstudaginn 13. nóvember setti ASÍ í loftið sérstaka upplýsingasíðu fyrir þá sem misst hafa vinnuna, glíma við erfiðleika og vilja bæta stöðu sína á vinnumarkaði. Sérstök áhersla er lögð á að ná til útlendinga á íslenskum vinnumarkaði þar sem skortur hefur verið á greinargóðum upplýsingum fyrir þann hóp.
Það er eins og það komist seint og illa til skila að ráðningarsamband leiðsögumanna er mjög sérstakt. Formaðurinn skrifar grein um málið í Fréttablaðið í dag.
Upplýsingar til félagsmanna um stöðu mála varðandi nýsamþykkta lokunarstyrki (áframhald) og tekjufallsstyrki.
Formaður Leiðsagnar mætti fyrir nokkru á fund hjá Efnahags- og viðskiptanefnd Alþingis og skilaði Leiðsögn í framhaldi af því inn áliti á frumdrög þessara laga, og hafði það áhrif á loka afgreiðslu laganna.
Frumvarp þar um voru samþykkt á Alþingi fimmtudaginn 5. nóvember. Ekki eru komin númer á lögin.
Styrkir þessir eru ætlaðir þeim sem hefur verið gert að stöðva starfsemi sína vegna sóttvarnaraðgerða og/eða þeim sem orðið hafa fyrir miklu tekjufalli vegna áhrifa faraldursins. Allir þeir sem stunda atvinnurekstur munu geta sótt um, hvort sem reksturinn er í gegnum félag eða á eigin kennitölu einstaklings, en ná þarf tilteknu tekjufalli á milli áranna 2019 og 2020 til að styrkur komi til álita, auk annarra skilyrða og takmarkana.
Þegar er hafin vinna við gerð umsóknar, leiðbeininga og annað það sem til þarf. Ljóst er að sú vinna mun taka einhverjar vikur en róið er að því öllum árum að unnt verði að sækja um styrki sem fyrst. Búast má við frekari leiðbeiningum á vefsíðu Skattsins í næstu viku og síðan verður auglýst sérstaklega þegar opnað verður fyrir umsóknir.
Frá og með mánudeginum 9.nóvember var unnt að leita nánari upplýsinga í beinum þjónustusíma Skattsins 4421414. Eins er hægt að óska eftir upplýsingum með tölvupósti sem sendist til This email address is being protected from spambots. You need JavaScript enabled to view it..
Það mun líða einhver tími þangað til hægt verður að sækja um. Smíði á rafrænum umsóknum þar sem eru mörg skilyrði og mörg atriði sem þarf að taka til skoðunar tekur sinn tíma. Allt er gert til að þessi tími verði sem stystur. Eftir að opnað verður fyrir móttöku umsókna, og ef þær eru fullnægjandi, ætti á hinn bóginn ekki að líða langur tími þangað til afgreiðsla fer fram.
