Auka-aðalfundur Leiðsagnar 2021 verður haldinn þriðjudag 8. júní kl 19:00 að Stangarhyl 4 (hús Félags eldri borgara, eins og tvö síðustu ár).
Þessi fundur verður einnig netfundur með viðeigandi forriti (hlekkur kemur seinna)

Í samræmi við gildandi sóttvarnarreglur er grímuskylda og skráning í sæti á fundinum. Bent er á þetta er einnig netfundur og hægt að taka þátt í fundinum í gegnum fjarfundabúnað. Þeir sem nota fjarfundarbúnað er bent á að skrá sig inn með fullu nafni svo að hægt sé a bera saman við kjörskrá.

Dagskrá fundarins verður skv 22.gr laga félagsins með einni undantekningu: lið 4, lagabreytingum er vísað til starfshóps sem á að gera heildarúttekt á lögum félagsins og verður haldinn sérstakur auka-aðalfundur um það í haust, sem auglýstur verður sérstaklega.

Dagskrá

1.      Kosning fundarstjóra og annarra starfsmanna fundarins
2.      Skýrsla félagsstjórnar um störf félagsins á liðnu starfsári.
3.      Reikningar félagsins og sjóða þess lagðir fram til afgreiðslu.
4.      Tillögur um lagabreytingar ef fyrir liggja - frestað
5.      Fjárhagsáætlun lögð fram og tillaga gerð um félagsgjald, fag- og sérdeildagjöld.
6.      Kosning formanns eða lýsing formannskjörs.
7.      Kosning til stjórnar.
8.      Kosning til trúnaðarráðs.
9.    Kosning fulltrúa í fastanefndir og aðrar trúnaðarstöður.
10.  Kosning stjórnar sjúkrasjóðs félagsins.
11.  Kosning tveggja félagskjörinna skoðunarmanna reikninga til tveggja ára.
12.  Önnur mál.

Ársreikningar félagsins eru tilbúnir og liggja frammi á skrifstofu félagsins, en einnig á mínum síðum félagsmanna (minar.touristguide.is) sem eru með kjörgengi fyrir fundinn.

Framboð sem komin eru:
Formaður:
Friðrik Rafnsson
Óskar Kristjánsson

Stjórn og varastjórn:
Guðný Margrét Emilsdóttir
Harpa Björnsdóttir
Hjörtur Howser
Jakob Jónsson
Sigrún Pálsdóttir
Sigurður Albert Ármannsson
Snorri Steinn Sigurðsson
Valva Árnadóttir

Trúnaðarráð
Aldís Aðalbjarnardóttir        
Áslaug J. Marinósdóttir        
Birna Imsland        
Guðni Gunnarsson        
Guðný Margrét Emilsdóttir        
Hildur Bjarnason        
Hjörtur Howser        
Indriði Haukur Þorláksson        
Jakob Jónsson        
Jónína Birna Halldórsdóttir        
Kári Jónasson        
Pétur Gunnarsson        
Ragnheiður Ármannsdóttir        
Sigurður Magnússon        
Snorri Steinn Sigurðsson        
Stefán Arngrímsson        
Valva Árnadóttir        
Þórhildur Sigurðardóttir    

Fastanefndir:
Alþjóðanefnd:
Pétur Gunnarsson
Fagráð:
Indriði Haukur Þorláksson
Fræðslunefnd:
Guðný Margrét Emilsdóttir
Ritnefnd:
Sigurður Magnússon

Stjórn Sjúkrasjóðs:
Guðný Margrét Emilsdóttir
Lovísa Birgisdóttir
Pétur Gauti Valgeirsson
Ragnheiður Ármannsdóttir
Vilborg Anna Björnsdóttir
Þorsteinn Svavar McKinstry

Kjörgengi
Á aðalfundi félagsins 27. apríl síðastliðinn var ákveðið að láta kjörskrá fyrir aðalfund 2020 gilda líka núna. Þannig að kjörgengi hafa þeir sem uppfylla skilyrði laga félagins fyrir aðalfund 2021 og einnig þeir sem uppfylltu þau fyrir aðalfund árið 2020 auk þeirra sem hafa greitt lágmarksgjöld til félagsins.

Hluti af kosningunum verður rafrænn í gegnum kosningakerfi okkar á minar.touristguide.is

Dagskrá aðalfundarins verður samkvæmt lögum félagsins með einni undantekningu. Öllum lagabreytingum verður vísað til sérstaks starfshóps sem starfa á í sumar og fram á haust. Þessi starfshópur á að koma með heildstæð endurskoðuð lög félagsins. Í haust eða vetur verður sérstakur auka-aðalfundur þar sem farið verður gegnum öll lög félagsins og þau tekin til gagngerar endurskoðunar með heildarhagsmuni allra félagsmanna í huga. Innan félagsins eru margir hópar með ólíkar skoðanir en það er hægt að finna rúm fyrir alla innan vébanda félagins.


Kær kveðja
Pétur Gauti Valgeirsson
Formaður Leiðsagnar
 
Lög félagsins má finna hér:
https://www.touristguide.is/index.php/um-felagidh/loeg-og-reglugerdhir

Eftirfarandi grein birtist í Fréttablaðinu föstudaginn 28. maí. Fagnaðarfréttir berast úr öllum áttum og bjartsýnin leynir sér ekki. Vonin dylst engum: Ferðaþjónustan er vöknuð, langvarandi atvinnuleysi leiðsögumanna er að breytast í eftirspurn eftir fagmenntuðum leiðsögumönnum.

Þetta eru gleðitímar. Nú stefnum við á það með samtakamætti að þessi jákvæða þróun haldi áfram og að ferðaþjónustan nái sér eftir harðindatíma.

Leiðsögn – stéttarfélag leiðsögumanna hefur notað tímann vel. Félagið hefur tekið þátt í starfshópi, sem skipaður var af ferðamálaráðherra síðastliðið haust, og sem hefur lagt fram tillögur um menntun og þjálfun leiðsögumanna. Tillögurnar, sem starfshópurinn hefur lagt fram eru framsýnar og metnaðarfullar og mesta ánægjuefnið er að allir sem að starfi hópsins komu – Ferðamálastofa, Menntamálaráðuneytið, Umhverfisráðuneytið, SAF – Samtök Aðila í Ferðaþjónustu og Leiðsögn – voru sammála um niðurstöðurnar.

Það eru sannarlega bjartir tímar framundan.

En þá birtast þeir, þessir örfáu, sem koma óorði á hópinn. Niðurrifsmennirnir.

Leiðsögn – stéttarfélag leiðsögumanna hefur haft fregnir af því að nokkur ófyrirleitin fyrirtæki í ferðaþjónustu hafa einsett sér að láta vonda afkomu síðasta árs bitna á leiðsögumönnum! Þeim hafa verið boðin smánarlaun og til að kóróna ömurleikann er kveðið uppúr með það, að einungis komi til greina að ráða leiðsögumenn í verktöku.

Slík skilyrði eru auðvitað ólögleg. Þessir atvinnurekendur kunna ekki til verka. Þekkja ekki landslög, hunsa kjarasamninga. Þeir eru að biðja um átök á vinnumarkaði.

Hvað finnst nú lesendum að leiðsögumenn eigi að gera? Það er erfitt að hafna vinnu eftir langvarandi atvinnuleysi. Á að samþykkja boð um vinnu, jafnvel þótt kjörin séu verri en kjarasamningar kveða á um? Eiga leiðsögumenn að sniðganga þessa atvinnurekendur og lenda í verri fátæktargildru?

Spurningunum verður að svara: Hvað á að gera? Hvað er hægt að gera?

Pétur Gauti Valgeirsson

Formaður Leiðsagnar – stéttarfélags leiðsögumanna

Jakob S. Jónsson

Formaður Kjaranefndar Leiðsagnar