Fundur fagdeildar

Áður auglýstur fundur fagdeildar Leiðsagnar, sem auglýstur var í mars s.l. en var frestað vegna Covid 19, verður haldinn 28. maí n.k. í sal Eldri borgara að Stangarhyl 4 og hefst kl. 20:00. Fundarefni verður kosning nýrrar stjórnar og skýrsla fyrri stjórnar. Gestur fundarinns verður Guðmundur Björnsson leiðsögumaður og kennslustjóri leiðsögunáms við Endurmenntun Háskóla Íslands en hann mun kynna áform um raunfærnimat hjá EHÍ.

Mætum öll

Síðasti fyrirlesturinn í þessari lotu örfyrirlestra í samvinnu EHÍ og Leiðsagnar verður þriðjudaginn 19. maí kl. 16.  Þá mun Trausti Baldursson líffræðingur á Náttúrufræðistofnun fjalla um breytingar á vistkerfi Íslands í kjölfar loftlagsbreytinga. Hann nefnir fyrirlesturinn: Áhrif loftslagsbreytinga á lífríki Íslands

Farið verður yfir nokkur þekkt dæmi um áhrif sem loftslagsbreytingar eru taldar hafa haft á lífríki Íslands, aðallega á landi og í ferskvatni. Komið verður m.a. inn á gróðurfarsbreytingar, áhrif á farfugla, ferskvatnsfiska og spendýr. Einnig verða skoðaðar breytingar á smádýralíf og áhrif lofstlagsbreytinga á landnám framandi tegunda.

Skráning fer fram á slóðinni:

https://www.endurmenntun.is/namskeid/stakt-namskeid?courseID=413V20

Einungis þarf að smella á skráningarhnappinn, skrá umbeðnar upplýsingar og greiða skráningagjaldið. Þeir sem skrá sig fá einnig senda upptökuna að fyrirlestrinum sem verður aðgengileg í viku eftir að fyrirlesturinn fór fram. Þannig er bæði hægt að vera með í rauntíma eða hlusta eftir á allt eftir þörfum.  Það er ósk stjórnar og fræðslunefndar Leiðsagnar að félagsmenn geti notfært sé þessa fyrirlestra sér til ánægju og uppbyggingar á þessum fordæmalausu tímum.