Pétur Gauti Valgeirsson, formaður stéttarfélags leiðsögumanna, fer fram á að yfirvöld leiðrétti misrétti í garð stéttarinnar.
Aðsend grein frá ASÍ
Eftir Henný Hinz, Kaukoranta Ilkka, Ola Pettersson, Roger Bjørnstad og Allan Lyngsø Madsen, aðalhagfræðinga hjá ASÍ Ísland, FFC Finnland, LO Svíþjóð, LO Noregi og FH Danmörku
Norðurlöndin eru velmegandi ríki. Ríki Norðurlanda eru einnig á meðal þeirra landa í heiminum þar sem tekjumunur er einna minnstur. Þannig var það bæði árið 2000 og árið 2010. Og þrátt fyrir Covid-19 farsóttina þá er það einnig svo árið 2020. Í stuttu máli sagt þá hefur það verið raunin árum saman.
Engu að síður heyrum oft frjálslyndar raddir sem halda því fram að tiltölulega mikil skattbyrði á Norðurlöndunum sé eins og þungur baggi sem haldi hagkerfinu niðri og telja að grípa þurfi til breytinga á skattkerfinu til þess að koma landinu út úr kreppunni. Ef aðeins persónuafsláttur og fjármagnsskattar væru lækkaðir - ef aðeins væru færri opinberir starfsmenn - ef aðeins hið opinbera væri umfangsminna - ef aðeins félagslegar bætur og greiðslur yrðu lækkaðar - já, hvað myndi þá eiginlega gerast?
Samkvæmt klassískum hagfræðikenningum þá yrðu ríki Norðurlanda mun auðugri ef við fylgdum hinum frjálslyndu tillögum og hugmyndum. Þess vegna eru Norðurlöndin raunveruleg þversögn ef maður skoðar þau með þessum frjálslyndu gleraugum. Hvernig geta Norðurlönd sýknt og heilagt verið heimshluti þar sem fólk hefur háar tekjur, atvinnuþátttaka er mikil, opinberi geirinn er stór, tekjuöryggi er gott og fyrirtæki standa sig almennt vel á alþjóðlegum mörkuðum. Þetta ætti ekki að vera hægt.
Þetta er engu að síður staðreynd og það má fyrst og fremst rekja til þriggja þátta. Í fyrsta lagi þá byggja klassískar hagfræðikenningar á þeirri forsendu að markaðnum sé best borgið án afskipta hins opinbera. Með öðrum orðum, afskipti stjórnvalda eru upphaf og endir alls ills.
Í öðru lagi þá er eina framlag hins opinbera að endurdreifa fjármunum, því er litið á það sem óvirkan þátttakanda sem eingöngu stuðlar að því að skekkja efnahagslífið með skattheimtu.
Í þriðja lagi er gert ráð fyrir að fólk vilji ekki vinna, heldur vilji fremur lifa á félagslegum bótum.
Við sjáum hins vegar að daglegt líf er talsvert flóknara en hinar einföldu forsendur gera ráð fyrir. Tilveran er ekki bara svört eða hvít. Hin klassíska röksemdafærsla hagfræðinnar stenst því ekki í veruleikanum. Ímyndið ykkur bara hversu mikilvægt aðgengi að menntun, dagvistun, heilsugæslu, öldrunarþjónustu o.s.frv. er til aukins hagvaxtar og þátttöku í afkastamiklu atvinnulífi.
Covid-19 farsóttin hefur, með sama hætti, sýnt fram á að skattgreiðslur og tekjutrygging í gegnum hið félagslega kerfi eiga mikinn þátt í að standa vörð um áframhaldandi starfsemi fyrirtækja á almennum markaði á fordæmalausum tímum sem líkjast í engu okkar hefðbundnu tilveru. Hið opinbera hefur gert það mögulegt að mæta þessum utanaðkomandi þáttum með sameiginlegum lausnum sem hafa gagnast samfélaginu í heild og þar með átt ríkan þátt í að viðhalda eftirspurn í hagkerfinu.
Þá staðreynd að við höfum á síðustu áratugum verið á meðal auðugustu og jöfnustu samfélaga veraldar, má að miklu leyti þakka uppbyggingu norrænu velferðarsamfélaganna. Sterkum og vel skipulögðum vinnumarkaði. Opinberu kerfi, sem byggir á velferð til handa öllum. Og þjóðhagsstefnu sem miðar að því að tryggja fulla atvinnu. Með öðrum orðum, samfélagsskipulag sem byggir á samstöðu. Við skulum styrkja þann grunn svo hann megi verða okkar leið út úr kreppunni.
Sértilboð til félagsmanna
í Leiðsögn - Stéttarfélagi leiðsögumanna
HAUST 2020
Félagsmönnum í Leiðsögn - Stéttarfélagi leiðsögumanna býðst 20% afsláttur á tvö námskeið úr dagskrá haustmisseris hjá Endurmenntun. Um er að ræða námskeið í öllum námskeiðsflokkum að undanskildum námskeiðum með erlendum sérfræðingum og námskeiðum sem tilheyra lengra námi. Skráning fer fram á heimasíðu Endurmenntunar. Til að virkja afsláttinn þarf að skrá kóðann EHILS20 í reitinn "Athugasemdir".
Aðalfundur Leiðsagnar var haldinn síðastliðinn fimmtudag, 18.6.2020.
Fundurinn fór fram með hefðbundnu sniði skv. lögum félagsins, en að auki fengum við tvo góða gesti: Víði Reynisson, yfirlögregluþjón og nýbakaðan fálkaorðuhafa, og Drífu Snædal, forseta ASÍ. Fundarstjóri var Magnús M. Norðdahl.
Fyrst ávarpaði Víðir fundinn og fór yfir stöðuna og hið mikilvæga hlutverk leiðsögumanna í nýrri framlínusveit í baráttunni við COVID19.
Svo ávarpaði formaður fundinn og lýsti verkefnum síðasta starfsárs og endaði sitt mál á hugleiðingu um hlutverk og framtíð Leiðsagnar og lagði til að félagið færi í smá naflaskoðun og setti sér markmið og stefnu til framtíðar.
Félagið hefur tekið stórt stökk inn í framtíðina í tölvukerfum og bókhaldskerfum, en eftir er að stíga lokaskrefið í því með að gera svo kallaðar "mínar síður" fyrir félagsmenn til að auðvelda allar umsóknir í sjóði og gera þær fljótvirkari. Nokkur halli var á rekstri félagsins á síðasta ári út af þessu, en sá kostnaður sem er bara einu sinni og ætti að skila sér í skilvirkari störfum á skrifstofu og ætti þannig að borga sig fljótlega.
COVID19 hefur haft mikil áhrif á leiðsögumenn, en einnig á rekstur skrifstofunnar og er tekjuhrun fyrirsjáanlegt á þessu ári. Til að draga úr kostnaði var framkvæmdastjóra (Valdimar Leó Friðrikssyni) sagt upp í byrjun maí og þökkum við honum vel unnin störf. Einnig var stjórnarmönnum fækkað úr sjö í fimm.
Ný starfsmaður tók við á skrifstofunni 1. janúar s.l. og bar vill svo vel til að það er leiðsögumaður sem þekkir okkar umhverfi vel. Þetta er Ragnheiður Ármannsdóttir og bjóðum við hana velkomna til starfa á þessum fordæmalausu tímum.
Eftir ræðu formanns ávarpaði Drífa Snædal fundinn og stappaði í okkur stálinu og bað okkur um að standa saman á þessum erfiðu tímum.
Framkvæmdastjóri kynnti ársreikninga og spannst um þá nokkur umræða. Einnig var fjárhagsáætlun fyrir næsta starfsár kynnt og gert er ráð fyrir miklu tapi á rekstri félagins.
Eftir fundarhlé voru lagabreytingar teknar til umfjöllunar og voru flestar tillögur samþykktar. Mest umræða spannst um tillögu um að formaður fagdeildar ætti fast sæti í stjórn félagsins, en sú tillaga var felld í atkvæðagreiðslu. Stofnaðar voru fjórar nýjar fastanefndir: fræðslunefnd, alþjóðanefnd, ritnefnd og fagráð. Fækkað var í aðalstjórn um tvo, svo að þar eru nú fjórir aðalmenn auk formanns. Varamönnum var fjölgað um tvo svo að þeir eru nú fjórir.
Svo var kosið í stjórn sem hér segir:
Friðrik Rafnsson og Júlíus Freyr Theodórsson til tveggja ára.
Vilborg Anna Björnsdóttir og Óskar Kristjánsson til eins árs.
Varamenn eru: Valva Árnadóttir, Guðný Margrét Emilsdóttir, Snorri Steinn Sigurðsson og Þorsteinn Svavar McKinstry, öll til eins árs.
Einnig var kosið í Trúnaðarráð, bæði varamenn og aðalmenn, allir til eins árs:
Aðalmenn: Elísabet Brand, Birna Imsland, Jakob S. Jónsson, Stefán Arngrímsson, Eiríkur Hreinn Helgason og Indriði H. Þorláksson
Varamenn: Þórhildur Sigurðardóttir, Guðni Gunnarsson, Pétur Gunnarsson, Jónína Birna Halldórsdóttir, Aldís Aðalbjarnardóttir og Kári Jónasson
Einnig voru kosnir tveir fulltrúar í hinar nýju nefndir, en stjórn tilnefnir þriðja fulltrúann.
Fagráð: Jakob S. Jónsson til tveggja ára og Indriði H. Þorláksson til eins árs
Alþjóðanefnd: Ragnheiður Ármannsdóttir til tveggja ára og Pétur Gunnarsson til eins árs.
Ritnefnd: Kári Jónasson til tveggja ára og Guðrún Þorkelsdóttir til eins árs.
Fræðslunefnd: Lovísa Birgisdóttir til tveggja ára og Guðný Margrét Emilsdóttir til eins árs.
Skoðunarmenn reikninga: Snorri Ingason og Bergur Álfþórsson, báðir til eins árs.
Fundi lauk svo rétt eftir miðnætti
Fyrsti fundur nýrrar stjórnar var svo haldinn strax daginn eftir. Þar skipti stjórn með sér verkum sem hér segir: Vilborg Anna Björnsdóttir, varaformaður. Óskar Kristjánsson, gjaldkeri og Friðrik Rafnsson, ritari.
Sama dag mættu Pétur Gauti, Vilborg Anna og Júlíus Freyr á tvo fundi hjá ASÍ. Sá fyrri var um framtíðarsýn ferðaþjónustunnar, verkefni og áskoranir. Þar var hlustað vel á okkar innlegg. Áherslan verður lögð á sjálfbæra ferðaþjónustu í víðasta skilningi þess orðs og sérstök áhersla lögð á að byggja upp innviði (aftur í mjög víðum skilningi), auka fræðslu og menntun (einkum leiðsögumanna) og vinna gegn misrétti, félagslegum undirboðum og launaþjófnaði. Seinni fundurinn var til að undirbúa nýja fastanefnd um ótrygg ráðningarsambönd. Þar útskýrðum við hvernig þessu væri háttað hjá leiðsögumönnum og í hversu erfiðum málum við værum. Það var aftur mjög vel hlustað á okkar málflutning. Lögðum við til að áherslan væri á tvennt: reyna að laga það sem hægt er í kerfinu í dag og hjálpa þeim sem eru í mestum vanda núna, eins konar rústabjörgun, en einnig væri horft lengra fram á veginn og fundið betra og sanngjarnara kerfi og samfélagslegt öryggisnet sem virkaði og gripi okkur, en það er ekki raunin í dag.
Strax eftir helgi, mánudaginn 22. júní, mætti varaformaður í forföllum formanns á formannafund ASÍ og talaði okkar máli. Einnig mættu fyrir hönd stjórnar Óskar Kristjánsson og Friðrik Rafnsson, auk Jakobs S. Jónssonar úr Trúnaðarráði á fund í samstarfsnefnd Leiðsagnar og SA/SAF. Þar var rætt um sóttvarnir á hinni nýju víglínu í COVID19 sem er ferðaþjónustan. Einkum var hlutverk og ábyrgð leiðsögumanna í rútu rætt. Ákveðið var að útbúa uppfærðar og hagnýtar öryggis- og sóttvarnaleiðbeiningar fyrir leiðsögumenn og bílstjóra ef upp kemur grunur um smit í hópi farþega. Á fundinn mætti einnig fulltrúi sóttvarnarlæknis. Leiðbeiningarnar verða kynnar leiðsögumönnum, bílstjórum og öðrum sem málið varðar þegar þær liggja fyrir.
Þeir sem ætla að fylgjast með fundinum á zoom, vinsamlegast munið að hafa tölvuna stilta á "silent"
https://us02web.zoom.us/j/89907048220?pwd=bjF2alB1MHJpSnpWKytORWVqdEY2QT09
Password: 743494
