Á fimmtudaginn í síðustu viku átti að vera net-fundur með Guðmundi Inga Guðbrandssyni, Umhverfis- og auðlindaráðherra, um frumvarp hans um Hálendisþjóðgarð. Af óviðráðanlegum orsökum frestaðist sá fundur um viku og verður hann nú á fimmtudaginn 28. janúar 2021 kl 17:00-18:30.

Þeir sem voru búnir að skrá sig fengu nýtt fundarboð, en nú er tækifæri fyrir þá sem ekki komust í síðustu viku til að slást í hópinn. 

Síðustu vikur og mánuði hefur frumvarp Guðmundar Inga Guðbrandssonar, Umhverfis- og auðlindaráðherra, um Hálendisþjóðgarð verið mikið í umræðunni og sitt sýnist hverjum.
Til að fá bestu upplýsingar um þetta málefni frá fyrstu hendi höfðum við samband við ráðherra og báðum um fund til að fá að spyrja hann út í þetta frumvarp. Tók Guðmundur Ingi mjög vel í þessa málaleitan og verður netfundur um þetta málefni á fimmtudaginn (28.1.2021) kl 17:00-18:30.

Það þarf að skrá sig á fundinn með því að senda formanni (This email address is being protected from spambots. You need JavaScript enabled to view it.) tölvupóst með nafni og netfangi og fá svo viðkomandi sendan hlekk á fundinn. Umhverfis- og auðlindaráðuneytið heldur fundinn og stjórnar ráðherra fundinum. Fyrst verður ráðherra með kynningu á frumvarpinu og svara þeim spurningum sem borist hafa og síðan verða umræður.

Til að fá fundurinn verði hnitmiðaðri og svör ráðherra betur undirbúin hvetjum við félagsmenn til að senda formanni (This email address is being protected from spambots. You need JavaScript enabled to view it.) spurningar sem hann kemur svo áfram til ráðherra. Þannig gefst ráðherra tækifæri til að undirbúa svör. Einnig er hægt að koma með spurningar á fundinum.

Frestur til að skrá sig og/eða senda inn spurningar er til miðnættis (23:59) á miðvikudeginnum 27.1.2021

Hér er hlekkur á síðu hjá Umhverfis – og auðlindaráðuneytinu: Spurt og svarað um Hálendisþjóðgarð.

Hér er hlekkur á frumvarpið eins og það er í meðförum Alþingis núna.
Frumvarpið sjálft.

Félagsmönnum í Leiðsögn - Stéttarfélagi leiðsögumanna býðst 20% afsláttur af tveimur námskeiðum á vormisseri hjá Endurmenntun. Um er að ræða námskeið í öllum námskeiðsflokkum að undanskildum námskeiðum með erlendum sérfræðingum og námskeiðum sem tilheyra lengra námi.  Skráning fer fram á heimasíðu Endurmenntunar. Til að virkja afsláttinn þarf að skrá kóðann EHILS21 í reitinn "Athugasemdir". Athugið að við skráningu sjáið þið óbreytt námskeiðsverð. Afslátturinn kemur fram á greiðsluseðli.

Umbrot á flekaskilum á Reykjanesskaga FJARNÁMSKEIÐ

Á námskeiðinu verður fjallað um yfirstandandi umbrotahrinu á flekaskilum Reykjanesskagans. Kennslan fer fram þrisvar á misserinu með nokkurra vikna millibili. Þannig gefst þátttakendum tækifæri, með sérþekkingu Páls Einarssonar, kennara, að vopni, til að fylgjast með þeim breytingum sem verða á svæðinu á fyrstu fimm mánuðum ársins 2021.

ÖLL NÁMSKEIÐ Í STARFSTENGDRI HÆFNI

ÖLL NÁMSKEIÐ Í PERSÓNULEGRI HÆFNI

ÖLL NÁMSKEIÐ MISSERISINS