Kæru leiðsögumenn,

Nú líður að aðalfundi Leiðsagnar 2022 sem verður eins og fram hefur komið í tilkynningum haldinn annað kvöld þriðjudaginn 26. apríl klukkan 19:00 að Stórhöfða 29 (Grafarvogsmegin).

Drífa Snædal, forseti ASÍ ávarpar fundinn í upphafi.

Ýmis fundargögn hafa undanfarið verið sett inn á innri og ytri vef félagsins, þar á meðal lagabreytingatillögur Lagabreytinganefndar, tillögur að nýjum siðareglum leiðsögumenn og ársreikningar félagssjóðs, sjúkrasjóðs og endurmenntunarsjóðs. Heimasíða: https://www.touristguide.is/

Verði þær samþykktar hefur félaginu verið skapaður skýr og betri rammi sem vonandi gerir kleift að efla þjónstu við félagsmenn og efla þá enn faglega. Það er ætlunin með því að stofna til sk. faghópa þar sem félagsmenn geta tekið sig saman eftir áhuga og fagsviðum og fengið til þess fjárhagslegan stuðning frá félaginu. Þannig mætti hugsa sér faghóp ökuleiðsögumanna, faghóp sitjandi leiðsögumanna, faghópa um einstök tungumál og menningarsvæði, o.s.frv. Slíkir hópar yrðu sjálfsprottnir og lýðræðislegir, tímabundnir eða varanlegir, allt eftir þörfum, áhuga og vilja félagsmanna.

Önnur mikilvæg breyting er að hafa hóflegt aðildargjald sem allir félagsmenn borga og veitir tiltekin réttindi, en eftir sem áður eru greiðslur stéttarfélagsgjalda (iðgjalda) forsenda þess að safna réttindum í sjúkrajóð og endurmenntunarsjóð, en um það gilda lög um stéttarfélög.

Lagabreytingartillögurnar eru viðamesta efni fundarins og ég hvet ykkur eindregið til að kynna ykkur þær vel og vona að þær verði samþykktar, enda mikil vinna verið lögð í þær, vandað til verka og þær unnar í samvinnu við lögfræðing ASÍ.

Hlakka til að sjá ykkur sem flest og minni fólk á að vera málefnalegt, en það hefur nokkuð skort á það undanfarin ár.

Minni jafnframt á að samtal og samstaða leiðsögumenn er mikilvægari nú en nokkru sinn fyrr, nú þegar ferðaþjónustan er að fara á fullt skrið á ný.

Kær kveðja,

Friðrik Rafnsson

Formaðu Leiðsagnar- félags leiðsögumanna.

AÐALFUNDUR LEIÐSAGNAR STÉTTARFÉLAGS

26. 26. APRÍL 2022 KL. 19:00

Aðalfundur Leiðsagnar 2022 verður haldinn þriðjudaginn 26. apríl, kl. 19:00 að Stórhöfða 29 (gengið inn Grafarvogsmegin).

Þessi fundur verður einnig netfundur (krækja á fundinn verður sendur út á fundardag).

Dagskrá aðalfundar er eftirfarandi skv 22.gr laga félagsins.

1. 1.         Kosning fundarstjóra og annarra starfsmanna fundarins
2. 2.         Skýrsla félagsstjórnar um störf félagsins á liðnu starfsári. Kynnt verða væntanleg rafræn skilríki og uppsetning félagsvefar á heimasíðu.
3. 3.         Reikningar félagsins og sjóða þess lagðir fram til afgreiðslu.
4. 4.         Tillögur um lagabreytingar.
5. 5.         Fjárhagsáætlun lögð fram og tillaga gerð um aðildargjald, fag- og sérdeildagjöld.
6. 7.         Kosning til stjórnar.
7. 8.         Kosning til trúnaðarráðs.
8. 9.         Kosning fulltrúa í fastanefndir og aðrar trúnaðarstöður.
9. 11.       Kosning tveggja félagskjörinna skoðunarmanna reikninga til tveggja ára.
10. 12.       Önnur mál.

Ársreikningar félagsins eru tilbúnir og liggja frammi á heimasíðu Leiðsagnar á „mínum síðum“ félagsmanna sem eru kjörgengir (minar.touristguide.is) og á skrifstofu félagsins.

Kjósa þarf:

* Tvo fulltrúa í stjórn til tveggja ára (þeir tveir sem hljóta flest atkvæði til stjórnarkjörs)

* Fjóra varamenn í stjórn, alla til eins árs (þeir sem hljóta sæti 3-6 eftir atkvæðamagni)

* Aðal- og varamenn í trúnaðarráð (sex fulltrúa í hvort, alla til eins árs)

* Fulltrúa í fastanefndir og aðrar stöður. Sjá. 18. grein laganna.

Framboð til trúnaðarstarfa fyrir Leiðsögn stéttarfélag

Framboð til stjórnar

Guðný Margrét Emilsdóttir

Gunnsteinn Ólafsson

Hallfríður Þórarinsdóttir

Harpa Björnsdóttir

Jens Ruminy

Leifur Björnsson

Pétur Gunnarsson

Trúnaðarráð

Áslaug Marinósdóttir

Bergsteinn Harðarson

Birna Imsland

Ellert Sigurðsson

Guðni Gunnarsson

Guðný Margrét Emilsdóttir

Hildur Bjarnason

Indriði Þorláksson

Jónína Birna Halldórsdóttir

Kári Jónasson

Leifur Björnsson

Óskar Grímur Kristjánsson

Pétur Gunnarsson

Sigurður Magnússon

Fastanefndir

Fagráð

Harpa Björnsdóttir til 2ja ára

Fræðslunefnd

Einar Þórðarson til 2ja ára

Ritnefnd

Einar Þórðarson til 2ja ára

Hluti af kosningunum verður rafrænn í gegnum kosningakerfi Leiðsagnar á minar.touristguide.is

Lög félagsins má finna hér:

https://www.touristguide.is/index.php/um-felagidh/loeg-og-reglugerdhir

Friðrik Rafnsson

Formaður Leiðsagnar