×

Warning

JUser: :_load: Unable to load user with ID: 1411998
Fréttir

Fréttir

19
 Maí

Beiðni til sóttvarnarlæknis og landlækns vegna COVID19

Leiðsögn, stéttarfélag leiðsögumanna og SAF óska eftir því að leiðsögumenn verði settir framar í röðina fyrir bólusetningu vegna COVID19.

Ástæður eru tvennar:

  1. Atvinnuöryggi og kröfur erlendra ferðaskrifstofa.
    Erlendar ferðaskrifstofur gera margar kröfu um að allir þeir sem þjónusti hópa á þeirra vegum séu bólusettir. Þetta á meðal annars við um leiðsögumenn. Því er nú komið í ljós að möguleikar leiðsögumanna á að komast sem fyrst aftur í vinnu og af atvinnuleysisskrá hanga að stórum hluta á því að þeir hafi fengið bólusetningu.
  1. Takmörkun smitleiða inn í samfélagið.
    Leiðsögumenn eru tengliður og snertiflötur milli ferðamanns og heimamanns, þar sem leiðsögumenn eru framlínustarfsmenn sem annast m.a. samskipti við heimasamfélagið. Leiðsögumaðurinn sér t.d. oft um innritun á hótel og samskipti við starfsfólk á veitingastöðum og í afþreyingu. Á þetta sérstaklega við hópa sem ekki tala sjálfir ensku. Bólusettur leiðsögumaður ber síður með sér smit heim á heimili sitt, á ferðaskrifstofuna sem hann vinnur hjá, á kaffistofu á áningastöðum, á veitingastað, á hótel, í minjagripaverslu, í afþreyingu og svo framvegis.

Hluti leiðsögumanna er þegar orðinn bólusettur sökum aldurs en æskilegast er að allir leiðsögumenn verði bólusettir sem fyrst þar sem kröfur erlendra ferðaskrifstofa framlengja að öðrum kosti veru þeirra á atvinnuleysisskrá með tilheyrandi kostnaði fyrir samfélagið.

Með bestu kveðju

Pétur Gauti Valgeirsson
Formaður Leiðsagnar, stéttarfélags leiðsögumanna

Jóhannes Þór Skúlason
framkvæmdastjóri Samtaka ferðaþjónustunnar

10
 Maí

Aðalfundur Leiðsagnar 2021 – þriðjudaginn 8. júní

Fyrir rúmri viku var haldinn stuttur aðalfundur Leiðsagnar á netfundsformi.
Þar var eitt mál á dagskrá, að víkka út kjörskrá og setja þá sem voru á kjörskrá fyrir aðalfund 2020 líka á kjörskrá fyrir árið 2021. Þessi tillaga var einróma samþykkt.
Öllum öðrum málum var frestað til auka-aðalfundar. 

Hér með er boðað til auka-aðalfundar Leiðsagnar, þriðjudaginn 8. júní 2021, með fyrirvara að sóttvarnarreglur leyfi fundi.

Dagskrá aðalfundarins verður samkvæmt lögum félagsins með einni undantekningu. Öllum lagabreytingum verður vísað til sérstaks starfshóps sem starfa á í sumar og fram á haust. Þessi starfshópur á að koma með heildstæð endurskoðuð lög félagsins. Í haust eða vetur verður sérstakur auka-aðalfundur þar sem farið verður gegnum öll lög félagsins og þau tekin til gagngerrar endurskoðunar með heildarhagsmuni allra félagsmanna í huga. Fyrir aðalfundinn sem var haldinn í síðustu viku bárust margar lagabreytingatillögur og verður þeim beint til fyrirhugaðas starfshóps sem og tillögum sem berast á næstu dögum. Innan félagsins eru margir hópar með ólíkar skoðanir, en það er hægt að finna rúm fyrir alla innan vébanda félagins.

Tillögur að lagabreytingum verða að berast skrifstofu félagsins 15 dögum fyrir aðalfund (sjá gr. 29 í lögum félagsins).

Framboðfresti lýkur 10 sólarhringum fyrir aðalfund og framboðum skal skila til skrifstofu.
Jafnframt má hafa samband við kjörnefnd með uppástungur fyrir framboð. Í kjörnefnd eru Valva Árnadóttir, Guðný Margrét Emilsdóttir og Júlíus Freyr Theodórsson.

Kjósa þarf formann, 2 fulltrúa í stjórn til tveggja ára, 4 fulltrúa í varastjórn til eins árs, aðal og varamenn í trúnaðarráð (sex fulltrúa í hvort, alla til eins árs), fulltrúa fastanefndir (4 nefndir, einn fulltrúa í hverja til tveggja ára, sjá 18.gr. laganna) og tvo skoðunarmenn reikninga.
Þau framboð sem þegar hafa borist gilda áfram nema viðkomandi dragi framboð sitt til baka.

26
 Apríl

12. Umhverfisþing er á morgun

Minnt er á að 12. Umhverfisþingið verður í beinu streymi á morgun, 27. apríl. Umfjöllunarefni þingsins eru náttúruvernd, loftslagsmál og hringrásarhagkerfið. Þingið fer fram rafrænt og stendur frá kl. 13 – 16.

Þingið er öllum opið og verður því streymt á vef Stjórnarráðsins og á Facebook.

Dagskrá, skráningu og nánari upplýsingar má finna á www.umhverfisthing.is

21
 Apríl

Kynningarfundur í kvöld um starfshóp um menntun og starfsþjálfun leiðsögumanna

Haustið 2020 skipaði Ferðamálaráðherra í starfshóp um menntun og starfsþjálfun leiðsögumanna. Var það að beiðni Leiðsagnar og í samræmi við bókun í síðasta kjarasamningi um að Leiðsögn og SAF skyldu "hafa samráð um leiðir til að styrkja faglega leiðsögn á Íslandi."

Jakob S. Jónsson, sem er fulltrúi Leiðsagnar í starfshópnum, mun kynna starf hópsins og drög að lokaskýrslu. 

Kynningarfundur um þetta verður á Zoom í kvöld, miðvikudagskvöldið 21.4. (síðasta vetrardag) kl 20:00
Hér fyrir neðan er hlekkur á fundinn.

https://us02web.zoom.us/j/2035529516?pwd=Zk5ycENIdEtBZW9DYjJzYXAxYUxEdz09

Meeting ID: 203 552 9516
Passcode: leidsogn

Einnig er mitt á að vorfundur Endurmenntunarsjóðs verður í næstu viku og endilega sendið inn umsóknir sem allra allra fyrst.

20
 Apríl

Aðalfundur Leiðsagnar 2021

Aðalfundur Leiðsagnar 2021 – þriðjudag 27. apríl netfundur
https://us02web.zoom.us/j/2035529516?pwd=Zk5ycENIdEtBZW9DYjJzYXAxYUxEdz09

Aðalfundur Leiðsagnar 2021
 
Netfundur á Zoom kl 19:00 þriðjudag 27.4.2021
Sjá hlekk neðar á síðunni.
Það þarf að skrá sig inn í upphafi fundar og eru fundargestir hvattir til að mæta tímanlega til þess að það gangi.
  
1. Kosning fundarstjóra og annarra starfsmanna fundarins
 
2. Bráðabirgða lagabreyting þess efnis að kjörskrá verði víkkuð og bæði notuð kjörskrá frá 2021 og 2020
 
3. Öllum öðrum dagskrárliðum frestað til auka-aðalfundar sem boðaður verður seinna.

https://us02web.zoom.us/j/2035529516?pwd=Zk5ycENIdEtBZW9DYjJzYXAxYUxEdz09
Meeting ID: 203 552 9516
Passcode: leidsogn


Kæru félagar

Sjá fundarboð hér efst á síðunni

Vegna sóttvarnarlaga og samkomutakmarkana er ekki hægt að halda venjulegan aðalfund Leiðsagnar á réttum tíma í ár.

Við ætlum hins vegar að halda stuttan aðalfund á netinu (gegnum forritið Zoom) á réttum tíma og þar verður bara eitt mál á dagskrá: útvíkkun á kjörskrá.
Öllum öðrum dagskrárliðum frestað.

Samkvæmt 6. gr. laga félagsins er svo kveðið á um félagsaðild:
"Lágmarksgjald til að öðlast félagsaðild og halda henni samsvarar félagsgjaldi af launum samkvæmt lægsta taxta félagsins fyrir 15 daga vinnu á síðustu 12 mánuðum fyrir 1. febrúar næst fyrir aðalfund ár hvert."
Nú vitum við vel að margir hafa ekki getað greitt til félagsins þetta lágmarksgjald af utanaðkomandi ástæðum og viljum við koma til móts við þessa félagsmenn og nota líka kjörskrá frá því í fyrra, en til þess þarf að gera eina bráðabirgðabreytingu á lögum félagsins.

Tillagan er þá þessi:
Við 6.gr. bætist við ný málsgrein eftir 2. mgr.:
Ákvæði til bráðabirgða og gildir aðeins fyrir árið 2021. Heimilt er að nota einnig kjörskrá frá síðasta aðalfundi Leiðsagnar (18.6.2020) til viðbótar núverandi kjörskrá.

Eindregin tilmæli komu frá Trúnaðarráði á síðasta fundi þess að víkka út kjörskrá með þessum hætti og fullur vilji stjórnar er til þess.

Þetta þýðir:

Framboðsfrestur og lagabreytingafrestur framlengist, tilkynnt verður síðar hvað lengi.
Ef aðstæður leyfa þá er mögulegt að við höldum auka-aðalfund með tiltölulega stuttum fyrirvara og því hvetjum við alla sem vilja bjóða sig fram að gera það sem fyrst og sama á við um lagabreytingatillögur.

Fyrirhugað er að halda auka-aðalfund Leiðsagnar á næstu sex vikum ef sóttvarnarlög og samkomutakmarkanir leyfa. Að öðrum kosti frestast hann til haustsins.
Aðalfundur verður boðaður með amk viku fyrirvara.

Öll framboð sem nú þegar hafa borist færast sjálfkrafa til auka-aðalfundar, nema þau verði dregin til baka. Tekið verður við nýjum framboðum og eru konur einkum hvattar til að bjóða fram krafta sína.

Allar lagabreytingatillögur (nema sú sem er í dagskrárlið 2 í fundarboði hér að ofan) færast sjálfkrafa til auka-aðalfundar. Tekið verður við nýjum lagabreytingatillögum.

Við höfum verið að vinna í nýjum innri vef félagsins, sem við köllum Félagavef. Hann er enn í vinnslu en þar koma upplýsingar um aðalfund, skýrslu stjórnar, framboð, lagabreytingar og ársreikninga. Þar sem enn er opið fyrir framboð og lagabreytingatillögur þá er ekkert efni þar. Ársreikningar eru tilbúnir og koma á næstu dögum inn á einn flipann þar. Til að skrá sig inn á Félagavefinn þarf að nota rafræn skilríki eða íslykil. Núna er síðan stillt þannig að bara þeir sem eru með kjörgengi samkvæmt lögum félagsins komast þar inn, en ef lagabreytingatillagan er samþykkt á aðalfundinum þá fá þeir sem voru með kjörgengi 2020 líka aðgang.

Hlekkur á Félagavef:
https://minar.touristguide.is/

Með bestu kveðju
Pétur Gauti Valgeirsson
Formaður Leiðsagnar

19
 Apríl

Kynningarfundur um starfshóp um menntun og starfsþjálfun leiðsögumanna

Haustið 2020 skipaði Ferðamálaráðherra í starfshóp um menntun og starfsþjálfun leiðsögumanna. Var það að beiðni Leiðsagnar og í samræmi við bókun í síðasta kjarasamningi um að Leiðsögn og SAF skyldu "hafa samráð um leiðir til að styrkja faglega leiðsögn á Íslandi."

Starfshópurinn mun á næstu dögum skila skýrslu með tillögum sínum til ferðamálaráðherra.

Kynningarfundur um þetta verður á Zoom á miðvikudagskvöldið 21.4. (síðasta vetrardag) kl 20:00
Hlekkur á fundinn verður sendur út í fjölpósti á miðvikudaginn og á heimasíðu félagasins.

Jakob S. Jónsson, sem er okkar fulltrúi í starfshópnum, mun kynna starf hópsins og drög að lokaskýrslu. 

08
 Apríl

Ítrekun- Aðalfundur stéttarfélagsins Leiðsagnar þriðjudaginn 27. apríl n.k.

Við stefnum enn að aðalfund þann 27. þessa mánaðar. Hvort það gengur upp kemur í ljós í næstu viku þegar næsta reglugerð um samkomutakmarkanir verður kynnt. En engu að síður óskum við eftir framboðum til trúnaðarstarfa og tillögum um lagabreytingar. 

Framboðsfrestur rennur út 10 sólarhringum fyrir aðalfund, þ.e. 17. apríl.

Skilafrestur á lagabreytingatillögum rennur út 15 dögum fyrir aðalfund, þ.e. 12. apríl.

Formlegt aðalfundarboð verður sent út viku fyrir aðalfund í samræmi við lög félagsins.

Dagskrá aðalfundar verður samkvæmt lögum félagsins (sjá 21. gr.), sjá þó um frávik hér að neðan.

Tillögur að lagabreytingum verða að berast skrifstofu félagsins 15 dögum fyrir aðalfund (sjá gr. 29 í lögum félagsins).

Að störfum innan félagsins er laganefnd. Einnig  má senda ábendingar um það sem betur má fara í lögum félagsins til hennar. Í laganefnd eru: Pétur Gauti Valgeirsson, Indriði H. Þorsteinsson og Guðný Margrét Emilsdóttir

Framboðfresti lýkur 10 sólarhringum fyrir aðalfund og framboðum skal skila til skrifstofu.
Jafnframt má hafa samband við kjörnefnd með uppástungur fyrir framboð. Í kjörnefnd eru Valva Árnadóttir, Guðný Margrét Emilsdóttir og Júlíus Freyr Theodórsson.

Kjósa þarf formann (til tveggja ára), 2 fulltrúa í stjórn til tveggja ára, 4 varamenn í stjórn (alla til eins árs), aðal og varamenn í trúnaðarráð (sex fulltrúa í hvort, alla til eins árs), fulltrúa í fastanefndir (4 nefndir, einn fulltrúa í hverja til tveggja ára) og tvo skoðunarmenn reikninga.
Einnig þarf að kjósa í stjórn sjúkrasjóðs, 3 aðalmenn og 2 til vara.
(sjá eftirfarandi greinar í  lögum félagsins: 12.gr. Stjórn, 17.gr. Trúnaðarráð, 18.gr. Fastanefndir, 23.gr. Sjóðir, 25.gr. Endurskoðun)

Á kjörskrá (með kjörgengi og atkvæðisrétt) eru þeir sem uppfylla kröfur um félagsaðild samkvæmt grein 6 í lögum félagsins. Þar stendur meðal annars:
“Lágmarksgjald til að öðlast félagsaðild og halda henni samsvarar félagsgjaldi af launum samkvæmt lægsta taxta félagsins fyrir 15 daga vinnu á síðustu 12 mánuðum fyrir 1. febrúar næst fyrir aðalfund ár hvert.”
Nú má ljóst vera að margir leiðsögumenn hafa ekki fegnið neina vinnu við leiðsögn síðan í mars í fyrra og hafa því ekki greitt eðlileg félagsgjöld til félagsins, af utanaðkomandi ástæðum. Hefur þetta verið rætt innan stjórnar og trúnaðarráðs og þar var komist að þeirri niðurstöðu að  leggja til að nota þá kjörskrá sem gilti á síðasta aðalfundi (18.júní 2020) auk þeirra sem hafa unnið sér inn félagsaðild skv 6. gr. Eini aðilinn sem getur tekið ákvörðun um þetta er aðalfundur og verður því fyrsta mál á dagskrá aðalfundar það að gera tímabundna breytingu (sem gildir aðeins á þessum aðalfundi) á lögum félagsins þannig að auk þeirra sem hafi félagsaðild skv 6.gr. verði þeir sem voru á kjörskrá síðasta aðalfundar einnig á kjörskrá þessa aðalfundar.

ATHUGIÐ: Einungis þeir sem eru á kjörskrá skv núgildandi lögum (6.gr.) geta tekið þátt í þessari ákvörðun um að nota líka kjörskrá frá 2020

Athugið: þetta er aðalfundur stéttarfélagsins Leiðsagnar en ekki fagdeildarinnar.
 
Lög félagsins má finna hér:
https://www.touristguide.is/index.php/um-felagidh/loeg-og-reglugerdhir

27
 Mars

Aðalfundur stéttarfélagsins Leiðsagnar þriðjudaginn 27. apríl n.k.

Aðalfundur stéttarfélagsins Leiðsagnar er ráðgerður eftir mánuð, að kvöldi þriðjudagsins 27. apríl 2021. Vegna óvissu um stöðu faraldursins er ekki vitað hvort um staðfund eða netfund verður að ræða, eða hvort yfirleitt verður hægt að halda fund á þessum degi. En við höldum ótrauð áfram og vonum að hægt verði að koma böndum á faraldurinn og hægt verði að halda aðalfund. Formlegt aðalfundarboð verður sent út viku fyrir aðalfund.

Dagskrá aðalfundar verður samkvæmt lögum félagsins (sjá 21. gr.), sjá þó um frávik hér að neðan.

Tillögur að lagabreytingum verða að berast skrifstofu félagsins 15 dögum fyrir aðalfund (sjá gr. 29 í lögum félagsins).

Að störfum innan félagsins er laganefnd. Einnig  má senda ábendingar um það sem betur má fara í lögum félagsins til hennar. Í laganefnd eru: Pétur Gauti Valgeirsson, Indriði H. Þorsteinsson og Guðný Margrét Emilsdóttir

Framboðfresti lýkur 10 sólarhringum fyrir aðalfund og framboðum skal skila til skrifstofu.
Jafnframt má hafa samband við kjörnefnd með uppástungur fyrir framboð. Í kjörnefnd eru Valva Árnadóttir, Guðný Margrét Emilsdóttir og Júlíus Freyr Theodórsson.

Kjósa þarf formann, 2 fulltrúa í stjórn til tveggja ára, aðal og varamenn í trúnaðarráð (sex fulltrúa í hvort, alla til eins árs), fulltrúa fastanefndir (4 nefndir, einn fulltrúa í hverja til tveggja ára) og tvo skoðunarmenn reikninga.

Á kjörskrá (með kjörgengi og atkvæðisrétt) eru þeir sem uppfylla kröfur um félagsaðild samkvæmt grein 6 í lögum félagsins. Þar stendur meðal annars:
“Lágmarksgjald til að öðlast félagsaðild og halda henni samsvarar félagsgjaldi af launum samkvæmt lægsta taxta félagsins fyrir 15 daga vinnu á síðustu 12 mánuðum fyrir 1. febrúar næst fyrir aðalfund ár hvert.”
Nú má ljóst vera að margir leiðsögumenn hafa ekki fegnið neina vinnu við leiðsögn síðan í mars í fyrra og hafa því ekki greitt eðlileg félagsgjöld til félagsins, af utanaðkomandi ástæðum. Hefur þetta verið rætt innan stjórnar og trúnaðarráðs og þar var komist að þeirri niðurstöðu að  leggja til að nota þá kjörskrá sem gilti á síðasta aðalfundi (18.júní 2020) auk þeirra sem hafa unnið sér inn félagsaðild skv 6. gr. Eini aðilinn sem getur tekið ákvörðun um þetta er aðalfundur og verður því fyrsta mál á dagskrá aðalfundar það að gera tímabundna breytingu (sem gildir aðeins á þessum aðalfundi) á lögum félagsins þannig að auk þeirra sem hafi félagsaðild skv 6.gr. verði þeir sem voru á kjörskrá síðasta aðalfundar einnig á kjörskrá þessa aðalfundar.

ATHUGIÐ: Einungis þeir sem eru á kjörskrá skv núgildandi lögum (6.gr.) geta tekið þátt í þessari ákvörðun um að nota líka kjörskrá frá 2020

Athugið: þetta er aðalfundur stéttarfélagsins Leiðsagnar en ekki fagdeildarinnar.

Lög félagsins má finna hér:
https://www.touristguide.is/index.php/um-felagidh/loeg-og-reglugerdhir

24
 Mars

Skrifstofan er lokuð í dag

Því miður er skrifstofan lokuð í dag miðvikudaginn 24. mars vegna veikinda

22
 Mars

Leiðsögn flytur að Stórhöfða 29

Í byrjun þessa mánaðar flutti Leiðsögn um tvö húsnúmer til austurs, að Stórhöfða 29. Þar erum við á 3 hæð með frábært útsýni til norðurs.
Í þessu húsi eru mörg stéttarfélög, bæði í nr 29 og líka í nr 31 og vonumst við eftir góðum samskiptum við þau.
Fyrstu dagana eftir flutninginn voru truflanir á símasambandi og neti, en nú er það allt komið í lag.
Þeim sem erindi eiga á skrifstofuna er bent á að ekki er opið inn á stigaganginn og þarf því að hringja í síma félagsins, 588 8670, og biðja um að það sé opnað.
Verið er að færa innganginn inn í húsið og eftir það verður sameiginleg móttaka fyrir allt húsið við inngang.

Síða 10 af 15

Nýjar fréttir

Leiðsögn

Kringlan 7, 103 Reykjavík
Kt. 510772-0249

 

Opið /Open

08:30 -16:00, mán.- fim.
08:30 -16:00, Mon. - Thur.
08:30 -15:00, föstudögum
08:30 -15:00, friday

 

Sími / Tel

+354 588 8670

 

Style Switcher
Layout Style
Predefined Colors
Background Image